गएरातिदेखि परेको अविरल बर्षाको कारण कालापानी खोलामा बाढी आउँदा दाङको सिसहनीया गाउँ विकास समितिका ४, ५, ६ र ७ नम्बर वडा पूरै डुवानमा परेको छ । जिल्ला प्रहरी कार्यालय दाङ्गका अनुसार दोलही खोला, सिंगई खोला, सानुनदी लगायतका खोलाहरुमा आएको बाढीका कारण झण्डै दुई हजार घर डुबानमा परेका छन् ।बाढीका कारण सयौ हेक्टर जमिनमा भर्खरै लगाएको धानबाली नष्ट भएको छ । बाढी प्रभावित क्षेत्रमा रातैभरि जनपथ प्रहरी, शसस्त्र प्रहरी, नेपाली सेना, नेपाल रेडक्रस सोसाइटी लालमटिया उपशाखा र चैलाही उपशाखाका कार्यकर्ताहरु उद्दारमा खटिएका छन् । बाढी गाउँमा पसेपछि विचल्लीमा परेका स्थानियवासीहरुलाई प्रहरीले उद्दार गरेको थियो ।
लगातारको पानीका कारण भालुवाङ्ग पुल्चोकमा रहेको राजकुमार खड्काको घर भत्किएको छ । घर भत्किदा खड्का घाईते हुनुभएको छ । क्षतिको यकिन विवरण भने आई नसकेको प्रहरी प्रमुख गणेशबहादुर ऐरले जानकारी दिनुभयो ।
Post a Comment